L’onn 2025 festivescha l’Uniun grischuna d’art in giubileum particular: 125 onns passiun per l’art figurativ en il Grischun! Dapi il 1900 promovain nus l’art en il Grischun, enritgin la vita culturala ed ans engaschain per il barat artistic. As legrai sin in onn plain exposiziuns ed occurrenzas inspirantas.
Scuvri cun nus la varietad da l’art e nossas visiuns per l’avegnir dal Museum d’art dal Grischun.
Durant l’entir onn da giubileum spetga Vus in program d’exposiziuns e d’occurrenzas multifar.
La festa da giubileum dals 28 da zercladur 2025 marchescha il punct culminant da noss onn da giubileum ed envida tut las persunas intgantadas da l’art e da la cultura da festivar communablamain 125 onns Uniun grischuna d’art.
Dai in sguard davos las culissas dal Museum d’art dal Grischun e sin noss projects en l’Uniun grischuna d’art. Scuvri invistas interessantas en nossas exposiziuns ed occurrenzas.
«A table» è il motto da l’onn da giubileum. Nus envidain la populaziun, artistas ed artists e persunas da la cultura da scuvrir e sentir communablamain l’art. Il december 2025 ha lieu in’exposiziun annuala tematica "a table".