«A table» è il motto da l’onn da giubileum. Nus envidain la populaziun, artistas ed artists e persunas da la cultura da scuvrir e sentir communablamain l’art.
Il motto stat per il barat communabel e la cumpagnia: artist:as ed amatur:as da l’art vegnan ensemen a la maisa per scuvrir la cuntrada artistica multifara dal Grischun
Cun «a table» ha lieu durant il 2025 in’exposiziun annuala tematica. Ella porscha ad artist:as la pussaivladad d’inoltrar ovras che s’occupan dal tema e che tractan quel da differentas perspectivas. Da maletgs sur sculpturas fin ad installaziuns multimedialas – l’exposiziun vegn a preschentar la varietad mediala da l’art figurativ. Dals 14 da december 2025 fin ils 25 da schaner 2026 vegn l’exposiziun preschentada en il Museum d’art dal Grischun a Cuira.